ملزمة إنشاء سادس اعدادي PDF - 2020

اللغه العربيه سادس اعدادي نصائح و ارشادات

ملزمة إنشاء سادس اعدادي PDF - 2020

الادمن امير   سبتمبر 15, 2019   التعليقات  

 هنالك الكثير من الطلبه الذين يعانون من مشاكل بخصوص

السلام عليكم ورحمة الله وبركاته اليوم اقدم لك مشاركة جديدة و اتمنى انتنال رضاكم و استحسانكم و هي ملزمة الإنشاء في اللغة العربية للمراحل الدراسية عامة و صف السادس اعدادي خاصة للاستاذ المبدع ساجد العبدلي

صور من الملزمة

ملزمة إنشاء ساجد العكيلي

ملزمة الانشاء و التعبير سادس اعدادي

ملزمة النموذجية في الإنشاء و التعبير

رابط تحميل : إضغط هنا ليبدأ التحميل

الانشاء والتعبير اللغوي في اسئله اللغه العربيه و يواجهون العديد من الصعوبات الفكريه في ابداع فكره تتناسب مع موضوع  الانشاء المطلوب الكتابه عنه ومن هذا المنطلق جاءت فكره تاليف النموذجيه في الانشاء والتعبير للصف السادس اعدادي حتى تكون بوابه مصغره للطالب تفتح العديد من الآفاق لأجل الوصول لمرحله الابداع الانشائي المطلوب و المرجو من الطالب ومع اختلاف الافكار والثقافات والبيئات التي تنعكس مباشره على اسلوب الطالب الكتابي والابداعي جاء هذا المؤلف البسيط والمتواضع لاجل صقل فكره معينه في اذهان الطلبه من خلال البنود والفقرات الموجوده في الملزمة بالاضافه الى النصائح التي سوف ترافقك في رحلتك  مع الملزمة النموذجين في الإنشاء و التعبير  ، ونحن نضمن اليك باذن الله تعال اذا التزمت بما هو مذكور  في الملزمه واكملت الملزمه على نحو جيد وبتركيز ومثابره قامت فعلا سوف تلاحظ تغير ملحوظ في مستواك و ابداعك الكتابي ، ففكرة النموذجية  التي امامك مختلفه جذريا عن كل الملازم و النصائح التي من الممكن ان تشاهدها خلال مسيرتك كطالب سادس اعدادي مهما كان فرعك الدراسي نحن انشانا هذه الملزمه بطريقه فكريه جديده بدراسه و تخطيط و عناية نفسيه للطالب مع الأخذ بنظر الاعتبار الاختلافات الفكريه بين الطالب و آخر.... عند انتهائك من دراسة الملزمة تكون قد وصلت الى لمستوى عالي و هذا ما ستلاحضه بنفسك ان شاء الله... المطلوب منك فقط متابعه كل البنود والفقرات في هذه الملزمه و تتعامل معها بنفسيه مرتاحه حتى تستطيع ان تصل للمستوى الذي رسمته اليك داخل الملزمه وهذه الملزمه سوف تفيدك جدا حتى بالمرحله الجامعيه حيث يصير عندك خلفيه واضحه عن طريقه ترتيب الكلام و تستطيع ان تبدع لغويا مقامه مؤلف هذه الملزمه باضافه فقرات ترفيهيه ونشاطات داخل الملزمه حتى يحس الطالب بالسرور والمرح من تدرس بعيدا عن المبالغه والتشدد واتمنى من الله تعالى ان تحقق الملزمه المطلوب منها و يحس طالب فعلا بالتغير الفعلي مفتاح العقل والنظر اللغويه من الان ولاحقا

الأجوبة النموذجيه للأسئلة الوزارية لمادة الكيمياء من مراكز الفحص لكل السنين و جميع الادوار - حصريا

اسئله وزارية سادس اعدادي كيمياء ملازم نصائح و ارشادات

الأجوبة النموذجيه للأسئلة الوزارية لمادة الكيمياء من مراكز الفحص لكل السنين و جميع الادوار - حصريا

الادمن امير   سبتمبر 14, 2019   التعليقات  

السلام عليكم و رحمه الله و بركاته أعزائي زوار و متتبعي موقعنا أو بالأحرى مدونتنا الأعزاء ... اليوم أن شاء الله أعود إليكم بمشاركة جديده تهم طلبة مرحلة الصف السادس اعدادي العلمي بأن اقدم لكم ملزمة الأجوبة النموذجيه للأسئلة الوزارية لمادة الكيمياء للصف السادس اعدادي علمي فرع الاحيائي من سنة 2013 الى سنة 2019 و لجميع الأدوار 

كيمياء سادس اعدادي أجوبة نموذجية

تحميل الملزمة

👑 إسم الإستاذ : لا يوجد استاذ بل الملف من مراكز الفحص

🔶 الصف : السادس اعدادي بفرعيها الاحيائي و التطبيقي

🔖النوع : ملزمة متكاملة لحلول الأسئلة الوزارية من أجوبة نموذجية من سنة ٢٠١٣ الى سنة ٢٠١٩ و لكافة الأدوار 

📚 المادة : الكيمياء

🚩 التحميل : لبدء التحميل اضغط هنا

و هنا أصل إلى نهاية هذا الموضوع راجيا من الله أن اكون قد وفقت في طرحي هذا و ان كان لديك عزيزي القارئ اي ملاحظه أو وجهة نظر اكتبها في التعليقات أدناه و سأكون سعيدا في الرد على كل التعليقات و السلام عليكم و رحمه الله و بركاته

افضل 10 مواقع لمشاهدة و تحميل الافلام المترجمة اونلاين 2020

افضل 10 مواقع لمشاهدة و تحميل الافلام المترجمة اونلاين 2020

الادمن امير   سبتمبر 10, 2019   2 تعليق   

السلام عليكم و رحمه الله و بركاته تحياتي لكم جميعا  هذا المقال الذي اتكلم فيه عن احسن مواقع لمشاهدة الأفلام الأجنبية المترجمة اونلاين و مشاهدتها مباشرة من اجهزتنا اللوحية و هواتفنا و أجهزة الكمبيوتر الخاص بنا مجانا و دون ا  الى دفع دولار واحد و هذا النوع من المواقع شائع جدا في دولنا العربية بسبب عدم شيوعةثقافة الشراء عبر الانترنت  و الكثير لا بل الغالبية القصوى لا تملك محافظ إلكترونية تمكنها من الاشتراك بمواقع الدفع حسب الطلب كنتفلكس و هواة و امازون برايم و غيرهم هذا فظلا عنوان ثقافة القرصنه هي الثقافة رقم واحد عندنا لهذا شاع هذا النوع من المواقع و أهمها هي ايجي بيست و المواقع التي يتذكرها بعد قليل 

1. الموقع الاول
2. الموقع الثاني
3. الموقع الثالث
4. الموقع الرابع
5. الموقع الخامس 
6. الموقع السادس
7. الموقع السابع 
8. الموقع الثامن
9. الموقع التاسع 
10. الموقع العاشر 

طريقة الإعراب لمن يعانون من ضعف قواعد اللغة العربية

اللغه العربيه نصائح و ارشادات

طريقة الإعراب لمن يعانون من ضعف قواعد اللغة العربية

الادمن امير   سبتمبر 08, 2019   التعليقات  

م/الاعراب العام❤️

{بحث مصغر}

اكو طلاب ضعيفين بالاعراب ف هاي ملاحظات بخصوص القواعد بالسادس العلمي تفيد الطالب✅

 رح ناخذ (المبتدا والخبر والفعل والفاعل والمفعول به والصفة والحال والتمييز والمضاف اليه )هذنة اكثر شي نستخدمهن بالسادس👍

ملاحظة/رح يكون الشرح والتشبيه وكولشي بلهجتنة العامية افضل ويفهم اكثر بالنسبة للطالب🌝

1)المبتدا: هذا مرفوع دائما دائما ونكدر نعربة مبتدا بالحالات التالية👇

~اول اسم بالجملة نعربة مبتدا (اي  اسم مو شرط اله اسماء علم او هيكا شي لا..اي اسم)🤓

~نگدر نعربة مبتدا بس مو شرط اله اول اسم لا..ممكن يجي مؤخر فينعرب مبتدا مؤخر..

~الجملة الاسمية تحل محل مبتدا بالاعراب..

~الجملة الفعلية ايضا تحل محل مبتدا بالاعراب

~شبه الجملة ايضا تحل محل مبتدا بالاعراب 

2)الخبر:مرفوع دائما همات😅

~يجي مرات مقدم ع المبتدا 

~يجي بمكانة الاصلي يعني بعد المبتدا

~يجي شبه جملة وجملة اسمية وفعلية 

يعني نفس المبتدا😇

3)الفعل:مضارع وامر وماضي

~المضارع:يجي منفي بفعل اداة نفي ويجي مجزوم بفعل اداة جزم ويجي مرفوع 

~الامر والماضي هذنة دائما مبنيات 

4)الفاعل:هذا مرفوع دائما 

~يجي اسم اعتيادي

~يجي ضمير متصل 

~يجي ضمير منفصل 

~يجي ضمير مستتر 

~ومرات محذوف فالجملة الفعلية تحل محل الفاعل 

10 مواقع لمشاهدة و تحميل الأفلام بدون إعلانات ، التاسع هو الأفضل

5)المفعول به:هذا دائما منصوب ويكمل معنى الجملة وي الفعل والفاعل طبعا اذا كان فعل متعدي يعني لازم ياخذ فاعل ومفعول به حتى يتم المعنى

~يجي اسم اعتيادي

~يجي ضمير متصل

~يجي ضمير نصب منفصل

~يجي اسم استفهام(اخذنا بموضوع الاستفهام)

امثلة👇

-علي كتب الدرسَ(شوف هاي هنا شكد بيها حبشكلات)

علي:مبتدا 

كتب:فعل ماضي

الفاعل ضمير مستتر تقديرة هو

الدرس:مفعول به 

والجملة الفعلية من الفعل والفاعل في محل رفع خبر للمبتدا👍

-من قابلت؟(موضوع الاستفهام)

من:اسم استفهام مبني في محل نصب مفعول به مقدم تلاه فعل متعدي لم يستوف مفعوله 

-من قابلته؟

الهاء:مفعول به هنا (ضمير متصل)

-جاء الولد اياه 

اياه:مفعول به (ضمير نصب منفصل)

6)الصفة:هاي نستخدمهة حتى هم يتم المعنى وهم نوصف فد شي ..يعني الدليل عليها هو الوصف او الموصوف وتجي منصوبة ومرات مرفوعة بس الغالب هي منصوبة ..❄️

~اكثر  شي تجي اسم

مثل👇👇

-اكلتُ تفاحةَ ناضجةً

ناضجة:صفة منصوبة بالفتحة

شلون عرفناها؟🤔

التفاحة الاكلتها شبيهة؟..مستوية اذن اني داوصف التفاحة شلونهة

7)الحال:هذا منصوب دائما ونستخدمة حتى يتم المعنى وحتى نعبر عن حالنة او حال اللحظة يلي كنة او يلي حنكون بيهة (ماضي ومستقبل)يعني نفهمة من الجملة فهم انو هذا حال لان ديتحدث عن حالة

~يجي اسم فقط👍

مثل👇

-دخلتُ الامتحان غير مطمئنا؟😢

طيب شلون عرفنا🤔؟!

اني من دخلت للامتحان شبيه؟لو مضبط😂 لو سالفتي مو هلكد 💔اذن داوصف حالي لمن دخلت للامتحان👍

8)التمييز:هذا يجي منصوب دائما ونستخدمة حتى نميز في شغلة بي وطبعا يتم المعنى بوجودة ✅

~يجي اسم اعتيادي

~يجي بعد كم الاستفهامية(الاستفهام)

امثلة👇

-كم صولةً صال الفرسان؟

صولةً:تمييز منصوب بالفتحة

شروط و طريقة التقديم لكلية الشرطة العراقية 2020

اخبار الجامعات تقديم و قبول سادس اعدادي نصائح و ارشادات

شروط و طريقة التقديم لكلية الشرطة العراقية 2020

الادمن امير   سبتمبر 08, 2019   التعليقات  

الى جميع طلبة السادس الاعدادي يمكنكم الان التقديم على كلية الشرطة دورة 68

💢 شروط التقديم :

1️⃣ان لا يقل عمر المتقدم عن 17 سنة ولا يزيد عن 22 سنة

2️⃣طولة 168 وصدره 80 سم فأكثر

3️⃣اجتياز الطالب اللياقة البدنية والاختبار بنجاح

4️⃣يقبل خريجي الدراسة الاعدادية بكافة الافرع وتكون نسبة 95‎%‎ لخريجي العلمي والادبي و5‎%‎ لباقي الافرع

5️⃣لا يقل معدل القبول عن ‎%‎75 للقناة العامة و‎%‎70 القناة الخاصة

طبعا اهم شي أن تكون حامل الجنسية العراقية من والدين عراقيين

🌐 في هذا الفيديو شرح وافي و كافي لكل الشروط و بالتفاصيل الدقيقة و الخوض في أبسط الأمور

______________________

💢 تابعنا على التليجرام

https://t.me/iq7iq7

نصيحة طالبة صيدلة الى طلاب السادس اعدادي الراغبين بالمجموعة الطبيه

نصيحة طالبة صيدلة الى طلاب السادس اعدادي الراغبين بالمجموعة الطبيه

الادمن امير   سبتمبر 07, 2019   التعليقات  

السلام عليكم

نصيحة من طالبة صيدلة ...

اتمنى تقروها

رسالتي موجهه لطلاب السادس سواء علمي او ادبي ولكل شخص عنده احد بعائلته هو سادس... مضل شي تقريبا شهر و تخلصون الامتحانات وتعطلون 

تخيلوا شهر واحد يتحكم بكل حياتكم بمستقبلكم وبكلشي يعني هو شهر اقفل التليفون وانطي لاهلي وحتى اذا جنت مشاد حيلي الفتره الي مضت اكول خلص لهنا و انتهى اكعد من ال6 الصبح ادك قرايه لليل و انام بس 8 ساعات و باقي الوقت بس قرايه و اكل لا تلفزيون لا تليفون لا سوالف ملها داعي يعني هو شهر اضغط بي على روحي و بعدها اعيش براحه بالنسبه للبنات يعني انتي شهادتج سلاحج اولا رح تضمنين بالمستقبل محد اله فضل عليج لان الاهل الله يطول بعمرهم مدايمين الج و الاخ والاخت كل واحد حيحير بروحه وحتى من تتزوجين رح تصيرين عاله على زوجج حاولي بيج مابيج تقرين وتجيبين معدل عالي يعني خاصه اذا رحتي شي مجموعه طبيه تضمنين تعين و رح تعيشين ملكه اولا ثانيا رح تصير قسمتج بمكان زين والف واحد يتمناج لان طمعاً بيج اني مره اجتني قسمه وحرت اوافق لو لا فخابرت صديقتي كلتلها اخاف طمعان بيه لان اني صيدلانيه كالت مفروض تفرحين ع الاقل ميكول بداخله هاي عاله عليه وتعال اصرف عليها... حيكول هاي تشيل روحها يعنيتكونين مصدر راحه مو تعب اله ولاهلج تخيلي انو هذا الشهر يتحكم بمصيرج وزواجج واطفالج وكلشي هو شهر اضغط على روحي ومن الصبح لليل اقرا لحد ما اجيب درجه عاليهاما الشباب يعني انت هسه دتقرا وتكول بس اريد انجح وانتهى.. لا حبيبي انت مفروض تجيب معدل تروح قسم بي خير يعني باجر عكبه من تحب بنت وتريد تتقدملها وين من تروح وانت دكتور لو صيدلاني لو مهندس لو محامي... ووين من تروح وانت معدك شهاده او قسم تعبان 

اني من الناس اهلي مينطوني لشخص بلا شهاده... مع احترامي للي مكدروا يحصلون شهاده عاليه و اكيد كلمن اله ضروفه بس انت لسه مفات الوقت عليك حاول بيك ما بيك تقرا من الصبح لليل وحتى لنفرض مجبت معدل عالاقل تكول اني سويت الي عليه كدام ربي واهلي و نفسي اني ماقصرت وشميطلع معدل هو هذا بعد رب العالمين رح يكتبلك الخير بينصيحه اخرى ولو طولت عليكم لما تقرا و تمل او تنعس روح غسل وجك بمي بارد و صابون و نشف زين و اقرا سوره الكرسي استغفر واشرب كلاص مي وارجع اقرا كول الي جابوا معدل عالي مو احسن مني 

وبحاله الي شفتوا الجواب مالتكم مو تمام بالامتحان هاي الي يريد معدل وقرر يمسح الدفتر ويطلع اكو نصيحتين الاولى امسح كلشي لان اكو حاله انو مسحوا كم شي كالوا قابل حننجح لهالكم سؤال الخطا وتالي المصحح مساعدهم وطلعلهم 50 وكسرت المعدل 

والنصيحة الثانيه انو بحاله التاجيل لا تاجل ماده على ماده لان بالدور 2 تصير يوم على يوم يعني محتجاوبون ف اذا تاجلون ماده.. الماده البعدها لا تاجلوها حتى بالدور 2 لا الوقت يضايقكماني ادري طولت عليكم بس هسه لو نصيحتي هاي تاثر بطالب واحد او طالبه وحده رح احس سويت انجاز 

فدوه عوفوا الانستا والفيس و الحب و الضوجه وكلمه ماكو واهس وووو وبس ركزوا بشي اسمه هاي حياتي وهاي مستقبلي هو شهر واحد وحقكم تضوجون وتكولون شلون نجيب طبيه يرادلها معدل 98 وصعبة لا مو صعبه انتو كدها و قبلكم كومه طلاب جابوها زمان جان الي يجيب 90 يروح طبيه هسه 98 يلا يحصلها السبب انو كليات جانت بذاك الوقت هم مستنصريه بغداد يرموك نهرين كندي وجان عدد سكان العراق 15 مليون تقريبا.... حاليا عدد السكان 45 مليون يعني تضاعف العدد 3 مرات و بعدها عدد الكليات هي هي فطبعا المنافسه تزيد بس انتو لازم تسوون العليكم والباقي على الله 

وان شاءالله كل التوفيق للجميع والنجاح الباهر لكل الطلاب ♥

احكام النون الساكنه و التنوين سادس اعدادي بعشر دقائق فقط راح تفهمها

التربية الإسلامية سادس اعدادي نصائح و ارشادات

احكام النون الساكنه و التنوين سادس اعدادي بعشر دقائق فقط راح تفهمها

الادمن امير   سبتمبر 07, 2019   التعليقات  

سلامٌ على العيون الذابلة من كِثرة الدراسة ، وعلى القلب الملهوف للنجاح والتفوّق.💙

المقال الأصلي | اضغط هنا 

طبعا بالنسبة للأحكام جدًا سهلات بس المشكلة انّ بعض الأساتذة مديوصلوها الكم بالطريقة الصحيحة ، هسه راح أشرحها الكم وحتشوفون شگد سهلة وبسيطة وشگد حرامات الدرجات اللي ضاعت علينا بسببهن..

آني بالنسبة الي أشوف من حُسن حظ طلّاب السادس ان احكامهم فقط النون الساكنة والتنوين وأعتبرهن مُساعدة كبيرة الهم💙

عدنا أحكام النون الساكنة والتنوين .. آني ماراح اردلك تعريف واكلك لازم تحفظه ، لان هو السؤال يجي استخرج احكام النون الساكنة او التنوين وبيّن السبب ..ف نشتغل فقط ع حل هذا السؤال ...

اول شي أريدك تنتبه اله انّ النون ساكنة .. يعني مو يجيبولك ( إنَّ مع العُسرِ يُسرا ) گبل تروح ع النون تستخرجها !! هاي النون مُشددة مو ساكنة ويجوز يجيبولك هيج لوفة حتى يدوخوك ف هذا الشي انتبه اله كلّش وشوف حركة النون يلا تبدي

بقواعد اللُغة العربية عدنا علامة السكون هي ( ْ )

بس بالقُرآن ماراح تلكه هاي العلامة أبد لان علامة السكون بالقُرآن أن الحرف يبقى فارغ بدون أي حركة .. واذا رادت تجي حركة إله ف حتكون مثل الدال بس صغيرة او مثل الحاء الاوّلية ع شكل صغير وهسه حراويكم ..

هاي اول نقطة تنتبه عليها..

عدنا أربع أحكام ( الإظهار ، الإخفاء ، الإدغام ، الإقلاب)

نجي للإدغام

عدنه إدغام بغُنّة وعدنا إدغام بدون غُنّة .. شنو يعني غُنّة ؟الغُنّة هي صوت يخرج من الأنف ..

زين شلون نعرف هذا الإدغام بغُنّة أو بدون غُنّة وآني ماحافظ حروف الإدغام او نسيتهن وهيج كلش طارن من بالي؟ 

حعلمك طريقة تعرف بيها الإدغام بغنة او بدون غنة بدون متحفظ أي حرف...

إذا تروح تفتح القُرآن هسه وتباوع للآيات حتلكه تنوين الفتح او الكَسر او الضم.. خلي ناخذ الفتح نشرح عليه

مرة تلكه الفتحات متقاربات كلّش من بعضهن  بالكلمة ومرّة تلكه فتحة بعيدة فتحة .. روح افتح صفحة ٤ بكتاب الإسلامية وشوف مثال(إِنَّ اللَّهَ كَانَ عَلِيمًا حَكِيمًا )  شوف الفتحات مال تنوين الفتح شكد متقاربات... وشوف المثال اللي جواه (لِكُلِّ أَجَلِ ِ كِتَابٌ) شوف بالكتاب الفتحات شلون متباعدات وحدة مو يم وحدة ... 

اذا الفتحات اجن كلش متقاربات ف انت ومغمض تكتب ادغام بدون غُنّة

اما اذا الفتحات اجن وحدة جوة وحدة ف هم انت ومغمض تكتب ادغام بغنة .. طبعا هن ذني الآيات حكمهن مو ادغام بس ردت اوضحلك التنوين شلون من تكون الفتحات متقاربة او متباعدة

هاي أفضل طريقة تكدر تعرف بيها الادغام وتجربها ع الاية اللي تجيك.. واذا كلش صعبة عليك  ومافهمتها ف تكدر تمشي ع طريقة الكتاب اللي هي ..تحفظ حروف الادغام (يرملون )

عندك حرف اللام والراء اذا اجن ورا الميم الساكنة او النون الساكنة ف تكتب ادغام بدون غنّة

اما اذا اجن ( الياء والميم والنون والواو ) تكتب إدغام بغنّة ...

يعني من تشوف النون او التنوين كبل تروح للحرف اللي وراها وتشوفه اذا جان حرف لام او راء تكتب ادغام بدون غنة اما اذا اجن الحروف الباقية تكتب ادغام بغنّة ..

أمّا الإقلاب ف هو أسهل مايكون

هم تروح كبل للنون او التنوين ..

تلفظ الكلمة اذا انلفظت عندك حرف ميم ف هاي كبل إقلاب .. مثلا 

سنبلة .. انت تكتبها سنبلة بس تلفظها سمبلة 

ومادام كتابة الآيات حتجي قرآنية ف بالقُرآن ينكتب ع الإقلاب حرف ميم آخرية ( م ) ف هاي كبل إقلاب ...اما اذا ماميّزت اللفظ ف هم تباوع للحرف اللي بعد النون او التنوين اذا جان حرف باء ف هذا كبل إقلاب

بس انت الفظها افضل وكبل حتعرفها

مثلا هسه كول عنبة

شوف لفظتها عمبة😁

هنا اجه حرف الباء بعد النون ف صارت إقلاب💙

نجي للإظهار

الإظهار شوكت نستخرجه ؟ نستخرجه من نشوف نون عليها مثل الدال صغيرة او حرف الحاء الاوّلي بشكل صغير .. ومن نشوف تنوين فتحاته متقاربات كلش مثل التنوين اللي بالادغام بدون غنّة ...بالنسبة للنون من تشوف عليها هاي الدال الصغيرة كبل انت ومغمض تستخرجها إظهار يبقالك التنوين شلون تعرف هذا تنوين بدون غنّة لو إظهار ؟  انت مادام تعرف ان التنوين اذا اجه بعده حرف لام لو حرف راء تنوين بدون غنّة ف اكيد الحروف الباقية حتبقى إظهار .. 

واذا انت حافظ احرف الاظهار ( أ ، ه ، ع ، ح ، غ ، خ ) او عبارة أخي هاك علما حازه غير خاسر  ف بعد افضل اكيد .. كبل تروح ع النون او التنوين وتشوف الحرف اللي بعدهن اذا احد ذني الحروف تكتبه اظهار واذا ماعرفته او نسيت حروف الاظهار احفظلي بس اللام والراء واستخدم الطريقة الكتلك عليها.🌷💚

الطريقه الذهبيه لتذكر المعلومات قبل الإمتحان

الطريقه الذهبيه لتذكر المعلومات قبل الإمتحان

الادمن امير   سبتمبر 07, 2019   التعليقات  

مرحبا اصدقائي

تدرس ثم تدرس ثم تدرس و في يوم الامتحان يتبخر الذي درسته لدينا الحل أن شاء الله سوف تعطيك نصائح ذهبيه لابد لك ان تطبقها لتحافظ على المعلومات خلال الامتحان قدر المستطاع

☹😍

1- انسه شئ اسمه مرشحات بيوم الامتحان

2- قبل الامتحان بساعه بعد لاتلزم كتاب ابداااا ( تتاذه والله)

3- ماكو شئ قبل الامتحان بلحظات اسمه هذا مهم. ابد لتنتبه لهالكلام واحذرك تحذير شديد من عنده لان يدمر عقلك 

4- لتحل الاساله وره متطلع من الامتحان ولتوكف يم جماعتك وتناقش اجوبتك لان حته لو مجاوب هم رح تطلع عندك اخطاء من جوه الكاع

5-لا تلزم التلفون لما تخلص امتحان ولتكول ينشرون كذا وكذا ومهمات جهز نفسك من هسه ومن تبدي الامتحانات انسه التلفون

6-لتقري احد بيوم الامتحان حته لو اعز صديق عندك اتعذر منه لاي سبب لان رح تعم عله نفسك 👌

7-لاتسهر بليلة الامتحان وتروح للامتحان منايم حته لو مقاري زين هم نام اقل شئ 5 ساعات كامله

8- لاتكول جاوبت واخذ 100 ومدري شنو اللي يسالك كول الحمد لله عله الله 🙄

9- لتتناقش ويه جماعتك بلخط لا من تجي للامتحان ولا وره الامتحان 👌👌

10-الامتحان من تطلع من عنده انساه بعد لتفكر بيه حته لو ممجاوب لان تعم عالباقيات

وبلتوفيق للجميع 😍

دليل الجامعات الأجنبية المعترف بها داخل العراق

دليل الجامعات الأجنبية المعترف بها داخل العراق

الادمن امير   سبتمبر 07, 2019   التعليقات  

انتهى العام الدراسي و بات الجميع يبحث عن جامعات ليمضي فيها حياته الجامعيه و لكن الكثير لم يحالفه الحظ في الحصول على كليه أحلامه داخل العراق فبدأ يفكر في اللجوء إلى الجامعات الأهلية -و الدراسه خارج العراق 

و لكن ليس كل الجامعات خارج العراق معترف بها بل هنالك جزء يسير من الجامعات التي صنفتها وزارة التعليم العالي كجامعات معترف بها داخل العراق و للتعرف على هذه الجامعات 

إضغط هنا لمعرفة الجامعات المعترف بها داخل العراق

و كنصيحه مني توخى الحذر عند التقديم لأي جامعه خارج العراق و تأكد من أن هذه الجامعه معترف بها داخل العراق فإن لم يكن معترف بها فدراستك و أموالك في مهب الريح 

الطريقه المضمونة للحصول على معدل عالي في السادس اعدادي

الطريقه المضمونة للحصول على معدل عالي في السادس اعدادي

الادمن امير   سبتمبر 07, 2019   تعليق واحد  

طلابنه الجميلين اريد احجيلكم شغلة عن اهدافكم وشون لازم توجهوهه صح حته تجيكم صح لانو التوجيه الخطأ راح يرجعلك  

1 .اول هدف حيكون الناس الي تحبكم واولهم اهلكم موجودين او لا عايشين او عند الله سبحانه الحمد لله عله كل حاله هذول فكرو بيهم شوي وهدفكم الاساسي لازم يكون هو هذا شنو شعورهم شون حتكون فرحه اهلكم بيكم  والناس الي تحبكم والي عده ثقه بيكم صدكوني فرحه الاهل متنوصف دخلو اعماق اعماق اعماق اهلكم حته وان كان عدهم نوع من القسوه عليكم بهيج شي كله الكم لا تعاندوهم تندمون ترا بعدين 

2.الهدف الثاني لازم تعرفون انو السادس مو لعبة مو ونسه السادس انت داخل حرب مو حرب كتب ابببببد مو حرب كتب هالحرب هيه حرب نفسيه حتواجه كلشي حتكول شون حكمل ظروفكم صعبه او حياتكم او معيشتكم او اي شي ممكن يكون صعب هاي الاشياء هيه العدو الي انت حتقاتله الي دخل سادس عنده هدف ترا لماعده صعبه يوصل خلي هدفك خير يكون لا تكول ماكو تعيين لا تكول وين اروح ترا اي  قسم بالكلية ماحطوا للضحك صح اكو اقسام حلوة وبسيطه بس انت لازم تصنع نفسك  هالقسم  الي حتدخله مهما يكون هالقسم انت تكدر تخلي مزدهر بأيدك ( السيوف وين ميحطوهه تبقه سيوف  بلاستعمال الصحيح💪 والفراشة التزين المكان الي تمر بيه يبقه اسمهه فراشه ) 

3. هدفكم الثالث نفسكم وروحكم  راح تواجهون صعوبات نفسيه اياكم تكولون كلمة  يأست اذا كنت انسان مؤمن لازم تخلي شي ببالك انو حته لو ماحققتوا احلامكم وتعبتوا فإن وعد الله حق لو ما لكيتوا احلامكم راح تلكوهه بغير مكان صدكوني

بنات وشباب السادس مجيتوا تلعبون لا تضيعون سنه من عمركم ابدوا وانتهو مستمرين ( مستمرين يعني : راح توكعون وتكومون وتوكعون وتحولون ) 

* حكللكم شي مهم الدوام بعد كم يوم راح يدرسوكم مدرسين لا سنه ولا ثنين ماكو مدرس ماعده خبرة مستحيل انت الي جاي تتعلم منه مو انت تعلمه لا تققللون احترام  المدرس اذا مفتهمت طريقته لازم تحاول الخلل بيك حيكون لازم تحاول تفهم مدرسك واذا اكو خلل بالمدرس الخلل الوحيد هو حيكون انو هذا المدرس مقصر وبس ماكو خلل ثاني اكيد بالسادس حيحطولكم مدرسين خبرة للسادس  

واخير شي( الوقت مع النفس )  اهمشي ذول بالسادس شلون تستغل وقتك بقوه وانت نفسيتك تعبانه وماله واهس او تفكر بغير شي لازم تدور حلول ابجي فرغ الي بكلبك بنص ساعه ويا نفسك واحجي ويا نفسك السادس عباره عن وقت وحيمر ولازم استغله من اخلص دراستي هذا اليوم وامتحاني عود اكعد اطلع حساباتي ويا نفسي والناس وزعلتي ويا اهلي و ويا الناس الوقت مهم جدا جدا مع النفس  القوية