*نعي*
زینب انا الّي حايره
يالمهدي دلّالي ذاب
ما ادري اشكي يا ألم
كل حسره تحتاج اكتاب
اِجلس كتر گبري استمع
دلّالي بيه كود اعتاب
مدري اشتكي حرگ الخيم
مدري اشتكي حرگ الباب
مدری انوح اعلی الضلع
یوم الّي عصروه و انعاب
لو نوح من خيل العده
السحگن ضلوع الارباب
مدري اعلى عبدالله اون
ابسهم العده نحره انصاب
لو دم جنین اُمّي الهُوه
و اتجمّد اعلی التراب
من زغري ملچومةْ گلب
دمي اويه دمعي سچّاب
مره اندِب أمي فاطمه
و مره انوحن يا ياب
سمّوه جدي المصطفى
يا ويلي اشقى الأصحاب
من بعده هجموا عالوحي
بيت أمي أم الأطياب
من دخلوا البيت الوحي
امي بلايه جلباب
لاذت وره الباب استحت
لاكن رفسها المرتاب
ويلي و لطمها اعلى الجفن
يا ويلي من هالمصاب
ماتت غریبه و الجسم
ابلیل اندفن ویلي و غاب
يا آه من يوم انطبر
راس الولي بالمحراب
دم راسه صبغت لحيته
من شفته كل ظني خاب
طشتين شفت ابهالعمر
منهن رمش جفني شاب
طشت الّي بيه چبد الحسن
اتگطّع من الاصلاب
و چبد الّي بيه رأس الحسين
و يضرب يزيد الانياب
اتذکرت ظیم الطفوف
من حاوطتنه الذیاب
عالتل و اصیحن یا حسین
اندب لچن دون اجواب
ثارینه مذبوح الحسین
و من دم لحیته الخضاب
اليا يوم مهدي تنتظر
جر سيفك من الگراب
انهض و اخذ ثار الضلع
و اربع تعش ذوالالباب
و اطلب بعد ثار السبي
و اقطع چفوف السلّاب
یا یوم تجلي ابطلعتک
اكشف يمهدي الحجاب
خادم خدمة الحسين عليه السلام
ناصرالبوعبيد
