نعي الى رقيه عليها السلام
*
سلبوها سلبوها من عندي التراجي سلبوها
عذبوها عذبوها تره ابنيتك رقيه عذبوها
ما الوحه ما الحوحه راسك حيل عالي وما الوحه
اشلون روحه اشلون روحه رحت عني يبويه اشلون روحه
مو اكد اديه مو كد اديه ازغيره والحبل مو كد اديه
اتون عليه اتون عليه اون والنوك بويه اتون عليه
اشلون حيره اشلون حيره حيرني زماني اشلون حيره
بغير ديره بغيره ديره خلاني غريبه بغير ديره
شوف المتون شوف المتون بويه حسين دكعد شوف المتون
يحركون يحركون انه اتباوع وهمه يحركون
امن البواجي امن البواجي طك كلبي يبويه امن البواجي
التراجي التراجي والسلاب اخذ مني التراجي
فاركتني فاركتني ثلث اسنين عمري وفاركتني
نومتني نومتني بويه بحضنك اشكد نومتني
طبت الشام طبت الشام والله شيبتني طبت الشام
بويه الايام الايام شجاها ويانه جارت بويه الايام
يرمينه بحجار يرمينه بحجار شو ياهو اليجي يرمينه بحجار
راسك الحار راسك الحار براس الرمح دخن راسك الحار
يتيمه يتيمه صرت يابويه من بعدك يتيمه
والهضيمه الهضيمه ادنك من يشتموني الهضيمه
بالخرايب بالخرايب كعدنه اخلاف عينك بالخرايب
والمصايب المصايب يبويه التمت اعلينه المصايب
خذوها خذوها كل وحده اجو هلها وخذوها
وليه ولوها وليه ولوها رقيه باليسر وليه ولوها
فوك التراب فوك التراب بغيابك كعدنه فوك التراب
العتاب العتاب وي اهل المحنه يحله العتاب
راس ابوها راس ابوها رقيه اتريد صاحو راس ابوها
وسكتوها وسكتوها اخذو الراس يمها وسكتوها
ماتت رقيه ماتت رقيه صحت دني الطشت ماتت رقيه
حيل بيه حيل بيه بعد يحسين ماضل حيل بيه
يفتر عليه يفتر عليه يخويه والعدو يفتر عليه
المنيه المنيه ردت وياك تاخذني المنيه
*****
تمت
تحسين الخفاجي
